नेसं ११४४ ञलाथ्व २, येँ । भाषाविद अमृत योन्जनया ”नेपालका भाषाहरू“ पिदंगु दु । सफुती नेपालया १४४ भाषाया परिचयात्मक विवरण दुथ्याकातःगु दु । नेपालया मुक्कं लिपिया विस्तारित चर्चा दु। नेपालया थीथी भाषाया साहित्य-सिर्जनाया विश्लेषण दुथ्याकातःगु दु । भाषाविज्ञान, प्राज्ञिक व आदिवासी जनजातीतय्सं न्ह्याकाच्वंगु भाषा आन्दोलनया ल्याखं सफू महत्वपूर्ण जूगु तायेकातःगु दु ।
च्वमि योन्जन भाषा आयोगया ३ नं प्रदेशया निवर्तमान आयुक्त खः । वय्क: भाषा विज्ञान अध्ययन व भाषा आन्दोलनय् नं ताःई न्ह्यवंनिसें सकृय जुयादी । ३ नं प्रदेशय् लागू जूगु प्रादेशिक भाषा ऐन दयेकूगु कार्यदलय् योन्जनं तामांग समुदायं प्रतिनिधि यानाः नेवाः समुदायया प्रतिनिधित्व यानादीम्ह प्रा. डा. ओमकारेश्वर श्रेष्ठलिसे जानाः ज्या यानादीगु खः ।
”नेपालका भाषाहरू“ शीर्षक सफू येँया पुस्तक पसलय् न्यायेगु दु धयातःगु दु ।