उसाँय्
न्हूपुचःया २५क्वःगु हिदान ज्याझ्वः
नेसं ११४४ बछलागा ६, येँ । न्हूपुचलं २५६८ क्वःगु स्वाँयापुन्हिया लसताय् थनया भिंद्यःत्वालय् हिदान ज्याझ्वः यात । पुचःया थ्व २५क्वःगु हिदान ज्याझ्वः खः । पुचलं दँय्दसं थ्वज्वःगु ज्याझ्वः यानाच्वंगु दु । थुगुसिया ज्याझ्वलय् ४० म्ह रक्तदातां हिदान याःगु पुचलं धाःगु दु ।
स्वनिगः
न्हूपुचःया हनाज्याझ्वः जुल
नेसं. चौलाथ्य ११, येँ । येँ महानगरपालिका २० वडाया आ.ब. २००१/०८२ स १०+2 व स्नातक तगिं उतिर्ण जूपिं स्थानीय विद्यार्थीयात हनेगु ज्या जुल । ज्याझ्वःया मूपाहाँ जुयादीम्ह वहे वडाया नायः राजेन्द्र मानन्धरं हनापौ व मतिनाया चिं लःल्हानाः हनादीगु खः । ज्याझ्वलय् साहित्यकार भाजु भुषण प्रसाद श्रेष्ठ व राजभाई जकःमियात नं हंगु खः । ज्याझ्वः कामपा-२० वडा ज्याकुथि परिसरय् जूगु खः ।
ज्याझ्वः पुचःया नायः मनरत्न शाक्यया सभापतित्वय् जूगु खः । पुचःया छ्याञ्जे रितु स्थापितं सभा न्ह्याकादीगु खः । ज्याझ्वलय् लसकुस न्वचू पुचःया न्वकू धर्मरत्न बज्राचार्यं बियादीगु खः । ज्याझ्वः न्हू पुचः, वडा नं २० या ग्वसालय् जूगु खः ।
किपा: बुखँ
