ह्याउँनिभाः
नेसं ११४३ काैलागा सप्तमि कुन्हु येँय् कविताया लाय्कूया उलेज्या जुल । जनकवि दुर्गालाल श्रेष्ठ, प्रा. डा. योगेन्द्र प्रधान व गजलचि भुषण प्रसाद श्रेष्ठं मंकाःकथं कवियत्रिपिनि उगु संस्थाया उलेज्या यानादीगु खः ।
नेपालभाषाया कविताया स्तरोन्नति व समालोचनिय विश्लेषण यायेगु ताःतुनाः थुगु संस्थाय् न्हूपिं व स्थापित कवियत्रिपिं अावद्ध जूगु दु । संस्थाया अध्यक्ष डा. ज्योति तुलाधर जुयादीगु दु । ज्याझ्वलय् कवियत्रिपिनि सफू विमोचन व वाचन नं जुल ।
ज्याझ्वः संस्थाया सचीव कवियत्रि रजनी मिलां न्ह्याकादीगु खः । उलेज्या ज्याझ्वः धुंकाः वहे कुन्हु निगूगु सत्रकथं नेपालभाषाया कविपिनि दथुइ कविताया वैचारिक गोष्ठी जुइगु ज्याझ्वलय् जानकारी ब्यूगु दु ।