येँ, कछलागा १३ । खाङ्सेर रिन्पोछें च्वयाबिज्या:गु सफू ‘Live Strong and Happily’ या अनुवाद ‘बलियो भएर खुसीसाथ बाँचौं’ पिदंगु दु । थाङ्कार देछ्येन् छ्योलिङ् गुम्बाया ग्वसालय् थुगु सफू पिदंगु ख: ।
स्वास्थ्य मन्त्री मोहन बहादुर बस्नेतया मू पाहाँसुइ न्ह्या:गु ज्याझ्वलय् अनुवादक मिलन शाक्यं लसकुस न्वचु बियादीगु ख: । श्रीलंका दुतावासया प्रतिनिधि मधुशा, लुम्बिनी विश्वविद्यालयया डीन डा. माणिक रत्न शाक्यं भिंतुना न्वचु बियादीगु ख: । सफूया च्वमि खाङ्सेर रिनपोछें झीगु जीवन चिहाक: जूगुलिं थ:त बल्लाका: खुसी जुया: म्वायेमा:गु खँ कनाबिज्यात । ज्याझ्व: टीका शेर्पां न्ह्याकादीगु ख: ।
सफूतिइ मानव जीवनय् गुकथं फरक व सकारात्मक परिणाम हयेगु, थ:गु न्हियान्हिथंया जीवन व ज्याय् धर्मयात छ्यलेगु, अले मनयात गुकथं शान्त व तनावमुक्त यायेगु धैगु विषययात कया: च्वयात:गु दु ।