नेसं ११४५ कछलाथ्व ९, माले । वंगु शुक्रवाः थन जूगु १५औं वर्ल्ड बडिबिल्डिङ एन्ड फिजिक स्पोर्ट्स च्याम्पियनसिपय् नेपालया लागिं रजनी श्रेष्ठं रजत पदक त्याकूगु दु । बडिबिल्डिङ एसोसिएसन अफ माल्दिभ्सं ग्वसाग्वःगु थुगु धिंधिंबल्लाखय् रजनीं ५५ केजिया पुचलय् थुगु पदक त्याकूगु खः ।
थ्व हे कासाय् रुजेश शाही व प्रज्वलमान शाक्यं नं नेपालया लागिं रजत पदक त्याकूगु दु । रुजेशं ६० केजी पुचलय् व प्रज्वलमानं १० म्ह प्रतिद्वन्दी दूगु मास्टर्स ४०–४९ दँया ८० केजीं क्वय् पुचलय् पदक त्याकूगु खः । कासाय् सनम मुलगुठीं स्विम सुट व मोडल फिजिक्स पुचलय् रजत त्याकूगु दु ।
थुगु च्याम्पियनसिपय् ४१ राष्ट्रया ३ सः कासामितय्सं ब्वति काःगु धयातःगु दु ।