नेसं ११४५ कौलाथ्व ३, येँ । डा. बाबुराम भट्टराईं नेसपा नयाँ शक्तिया अध्यक्ष पद त्याग यानादीगु दु । थुगु खँ वय्कलं थौं च्वंगु पार्टीया केन्द्रीय समितिया विशेष विस्तारित बैठकय् घोषणा यानादीगु खः । थौंनिसें पार्टीया केन्द्रीय समिति नं भंग याःगु दु ।
थौंया विस्तारित बैठकं खुलाया दुने विशेष महाधिवेशन यायेगु पारित याःगु दु । बैठकं दुर्गा सोंबया संयोजकत्वय् सोनाम सिं स्यांगतांगयात सदस्य सचिब दयेकाः विशेष महाधिवेशन आयोजक समिति नं नीस्वंगु दु। देसय् जूगु राजनैतिक ह्यूपाःयात मध्यनजरय् तयाः डा. भट्टराईं अध्यक्ष पद त्वःतूगु धयातःगु दु ।
