नेसं ११४४ वछलागा ६, येँ । नेपालभाषां स्नातकोत्तर अन्तरगत शोध यानाच्वंम्हेसित बिइगु थुगुसिया धर्म-हिरा विद्वत्तवृतिया ज्या न्ह्यात । नेपालभाषा केन्द्रीय विभाग व धर्महिरा स्मृति प्रतिष्ठानया दथुइ सम्झौता पत्रय् ल्हाःचिं तयेधुंकाः थुकथं ज्या न्ह्याःगु खः । थ्व वृतिया राशी ५० द्वः तकाया जूगु धयातःगु दु ।
थ्व वृति धर्मरत्न यमि व हिरादेवी यमिया राजनैतिक, सामाजिक, साँस्कृतिक, शैक्षिक, साहित्यिक योगदान व वय्कःपिनि जीवनी शोध याइपिं विद्यार्थीमध्यय् दँय् छम्हेसित बिइगु जूगु दु ।