येँ, ११४४ कछलागा १२ । नेपाली कांग्रेसं थःगु ख्वाःपौ ‘नेपाल पुकार’ पिथंगु दु । नेपाली कांग्रेस केन्द्रीय सूचना, संचार तथा प्रचार विभागया ग्वसालय् पार्टी कार्यालय सानेपाय् थुगु ख्वाःपौया लोकार्पण जूगु खः ।
ज्याझ्वः नेपाली कांग्रेस केन्द्रीय सूचना, संचार तथा प्रचार विभागया प्रमुख मीनबहादुर विश्वकर्माया नाय:सुइ जूगु खः । पार्टी सभापति एवं पूर्व प्रधानमन्त्री शेरबहादुर देउवां ज्याझ्वलय् मूपाहाँकथं ब्वति कयादीगु खः ।
ज्याझ्वलय् पार्टीया थीथी तगिंया नेतात व पार्टीया आपालं सदस्यतय्सं ब्वति काःगु खः ।