नेसं ११४५ पोहेलागा ५, यल । नेपाल खुल्ला विश्वविद्यालयं नेवाः अध्ययन स्नातक तगिमय् अध्यापन याइगु जूगु दु । थुगु विश्वविद्यालयं छगू सुचं पिकयाः सामाजिक शाश्त्र दुने प्यदँया स्नातक तगिंया लागिं भर्नाया अावेदन फ्वंगु खः ।
नेवाः अध्ययनय् नेवाः भाषाविज्ञान, साहित्य, संगीत, अर्थशाश्त्र, राजनीति लगायतया विषय दुथ्यानाच्वंगु सिइदुगु दु । +२ क्वचाःपिंसं थुगु कक्षाया लागिं अावेदन बिइफैगु धयातःगु दु । थुगु अध्ययन यायेत भौतिक कक्षा काःवनेम्वाःगु व भर्चुअल क्लास जुइगु जूगुलिं संसारया न्ह्यागु थासं नं कक्षाय् च्वनेफैगु जूगु दु । भौतिक कक्षा काःवनेमखंपिन्त थ्व कक्षा बाँलाःगु विकल्प जूगु खनेदु ।
भर्ना फागुण ५ तक दुने जुइमाःगु धयातःगु दु । नेवाः अध्ययन लिसें थुगु विश्वविद्यालयं तमांगफ मगर, किरात, इस्लामिकया लागिं नं भर्ना अाह्वान यानातःगु दु । थुकथंया अध्यापन देसय् दकले न्हापां जुइत्यंगु सिइदूगु दु ।