काैलागा ८, जाजरकोट । थनया भूकम्पग्रस्ट क्षेत्रय् नेपाल समाजवादी पार्टीं वासः व मेमेगु उद्दार सामग्री सहित चिकित्सक उद्दार टोली छ्वःगु दु । पार्टीया अार्थिक विभाग प्रमुख हरि रिजालया नेतृत्वय् उगु टोली अन थ्यनाः उद्दार ज्या यानाच्वंगु दु ।
पार्टीं थःगु पाखें प्रधानमन्त्री दैवी प्रकोप उद्दार कोषय् १० लख दां बिइगु नं घोषणा याःगु दु ।
पार्टीं केन्द्रीय उपाध्यक्ष भक्तबहादुर शाहया कजिसुइ हरि रिजाल व रोशन पोखरेल दुथ्याःगु उद्दार टीम दयेकाः ज्या न्ह्याकूगु खः ।
वंगु काैलागा ६ कुन्हु चान्हय् जाजरकोट केन्द्रबिन्दु जुयाः वःगु भुखाचं अन अापालं जनधनया क्षति जूगु खः । अनया जनताया उद्दार यायेत राष्ट्रिय अन्तराष्ट्रिय संघ संस्थां ग्वाहालि यानाच्वंगु दु ।
