येँ । नेपाल समाजवादी पार्टीं जाजरकोट भुखाचं पीडितपिन्त १० लख तका ग्वाहालि याःगु दु ।
उगु पार्टीया अध्यक्ष डा. बाबुराम भट्टराईं प्रधानमन्त्री पुष्पकमल दाहाल प्रचण्डयात बालुवाटार वनाः थुगु दाँ लःल्हाःगु खः ।
वहे झ्वलय् अन अध्यक्ष भट्टराईं भुखाचं लिच्लेवः लाःगु थासय् पीडितयात याकनं हे राहत व अस्थायी आवासया व्यवस्था राज्यया फुक्कं अंग व तह परिचालित यानाः प्रभावकारी रूपं यायेत इनाप यात ।