नेसपा – माओवादी वार्ता समितिं एकता संयोजन समिति नीस्वनेत सुझाव बिल
येँ, कछलाथ्व ६ । नेपाल समाजवादी पार्टीं थःगु पार्टीया केन्द्रीय समितिया मुँज्या थ्व हे वइगु मंसीर ६ व ७ गते येँय् सःतूगु दु । थौं च्वंगु पार्टीया कार्यकारिणी बैठकं उगु मँज्याय् पार्टीं न्ह्याकाच्वंगु खुलाया सांगठनिक सुदृढिकरणया अभियानयात निरन्तरता बिइगु व नेसपा – माओवादी वार्ता टोलिं ब्यूगु एकताया सुझावयात कयाः सहलह यायेगु क्वछ्यूगु दु ।
थौं सुथय् हे नेसपा – माओवादी वार्ता समितिं एकता संयोजन समिति नीस्वनेत सुझाव बिउगु खः । वार्ता समितिइ दुथ्याःपिं नेपाल समाजवादी पार्टीया वार्ता समिति संयोजक गंगानारायण श्रेष्ठ व माओवादी केन्द्रया वार्ता समिति संयोजक कृष्णबहादुर महरां मंकाः विज्ञप्ति पिथनाः शीर्ष नेतृत्वयात पार्टी एकताया प्रक्रिया न्ह्याकेत इनाप याःगु खः ।
