नेसं ११४५ चिल्लाथ्व १०, येँ । नेवाः समाजय् राजनीतिक चेतनाया प्रवर्द्धन यायेगु ताःतुनाः दलगत आबद्धता मदुगु नेवाः राजनीतिक महागुथि नीस्वंगु दु । थौं च्वंगु छगू भेलां थुगु महागुथि नीस्वनेगु क्वछिनाः माधव श्रेष्ठया संयोजकत्वय् गुम्हेसिया संयोजन समिति दयेकूगु खः । संयोजन समिती ज्ञानुरत्न महर्जन, किरण तुलाधर, राकेस मान मास्के, राजन सिं डंगोल, मनरा प्रजापति, त्रिलोक रत्न कंसाकार, योगेन्द्र राजकर्णिकार व प्रबिण महर्जन दुथ्याः ।
भेलां थीथी विभाग नं नीस्वंगु दु । ज्ञानु रत्न महर्जनया संयोजकत्वय् प्रविण महर्जन व योगन्द्र राजकर्णिकार दुथ्याःगु प्रशिक्षण विभाग व राजन सिं डंगोल व योगेन्द्र राजकर्णिकार दुथ्याःगु आर्थिक विभाग नीस्वंगु दु । राकेस मान मास्केया संयोजकत्वय् ज्ञानु रत्न महर्जन व किरण तुलाधर दुथ्याःगु संगठन विभाग नीस्वंगु दु । त्रिलोक रत्न कंसाकार, मनरा प्रजापति व प्रविण महर्जन दुथ्याःगु सञ्चार विभाग नीस्वंगु दु ।
भेलाय् संयोजक श्रेष्ठं महागुथिया मूता: नेवाःतय् राजनीतिक चेतना थकायेगु व नेवा: राजनीतिया प्रवर्द्धन यायेगु जूगुलिं उकियात ल्वयेक थी थी ज्याझ्वः न्ह्याकावनेगु धयादीगु दु । भेलायात सम्वोधन यासें अनुप सिं सुवालं थुगु महागुथि दलगत आवद्धतां मुक्त जुयाः विशुद्ध नेवाःतय्गु राजनीतिक मुद्दा ल्ह्वनाः नेवाःतय् दथुइ वनीगु भलसा प्वंकादीगु दु ।
थुगु संस्थां स्वलाया दुने वृहद नेवाः राजनीतक भेला याइगु धाःगु दु ।