ने.सं. ११४४ कौलागाः ६, पोखरा । नेपाल समाजवादी पार्टीं थ:गु नां हिला: नेसपा (नयाँ शक्ति) छूगु दु । पार्टीया न्हापांगु विधान अधिवेशनं थथे नां ह्यूगु ख: ।
पोखराय् कार्तिक ५ व ६ निन्हुयंकं जूगु विधान अधिवेशनं दयेकूगु विधान पहिचानया आन्दोलन मैत्री धयात:गु दु । पार्टीया सांगठनिक संरचनाय् मुक्कं समितिइ देशया जनसंख्याया लिधंसाय् पूर्ण समानुपातिक समावेशी प्रतिनिधित्व जुइक सुनिश्चित यानात:गु दु । प्रदेशया नामाकरण पार्टीं आदिवासीया पहिचानया लिधंसाय् याना: छ्यलीगु जूगु दु ।
पार्टीया ९९ सदस्यीय केन्द्रीय समितिइ ११ सदस्यीय पदाधिकारी दइगु दूगु दु । ५ उपाध्यक्षया व्यवस्था याना: महिला, आदिवासी-जनजाति, मधेसी-थारु , खस-आर्य, व दलितया प्रतिनिधित्व सुनिश्चित यानात:गु दु ।
पार्टीया प्रथम राष्ट्रिय महाधिवेशन वइगु माघ २५,२६ व २७ गते येँय् याइगु घोषणा या:गु दु।