नेसं ११४६ चिल्लागा ८, येँ । ह्याउँनिभाः अनुसन्धान केन्द्रया दुजः व ह्याउँनिभाः न्यूज पोर्टालया सहयोगी पुर्णिमा डंगोल शाक्ययात मातृशोकं क:गु दु । स्वास्थ्यक:मि, मिडियाकःमि, साहित्यकार डंगोल शाक्यया मां सुभद्रा डंगोल म्हिगः ७२ दँया वैंशय् मदुगु खः । मदुम्ह डंगोल ताः इन्ह्यवंनिसें वासः याकाच्वंम्ह खः । मदुम्ह डंगोलया अन्तेष्टि म्हिगः हे टेकुइ जुइधुंकूगु छेँजलं धाःगु दु ।
मदुम्ह डंगोल मदुम्ह नेता दानबहादुर डंगोलया तिरि खः । मदुम्हेस्या प्यम्ह म्ह्याय् छम्ह काय् दी । म्ह्याय् पुनम डंगोल शिक्षण पेशाय्, प्रेरणा डंगोल, पौभा डंगोल पत्रकारिताय्, काय् प्रशिद्ध चिकित्सा पेशाय्, जिलाजं किरण शाक्य कानून व्यवसाय व नेवाः समाजय् सक्रिय जुयादी ।
