नेसं ११४५ दिल्लाथ्व १४, पोखरा । प्रदेश नं ४ य् मगर व गुरुङ भाषायात सरकारी कामकाजी भाषाया मान्यता ब्यूगु दु । म्हिगः च्वंगु प्रदेश संसदं प्रादेशीक भाषा विधेयक सर्वसम्मतं पारित यानाः थुकथं मान्यता ब्यूगु खः ।
म्हिगःया प्रदेश संसद बैठकय् मगर व गुरुङ समुदायया मन्त्री व सासंदपिंसं थःथःगु जातीय भेषभूषा पुनाः ब्वति काःगु खः । ०७८ या जनगणनाकथं ४ नं प्रदेशय् कुलजनसंख्या २४ लख ६६ द्वः ४ सः २७ दु । मगःत ४ लख ६४ द्वः ३ सः १०, १८.८ प्रतिशत व गुरुङत २ लख ७२ द्वः २ सः ७०, ११ प्रतिशत दु ।
थुगु विधेयक पारित जुइधुंकाः प्रदेशय् अभिलेखिकरण मगः व तमू भासं नं याइगु जूगु दु ।
