३ नं प्रदेश सरकारं स्वता भासं साइनबोर्ड तइगु
नेसं. ११४४ चौलाथ्व पुन्हि, हेटौंडा । थौं च्वंगु ३ नम्वर प्रदेशया मन्त्रिपरिषद्या मुँज्यां भाषा ऐन आ:वइगु बैशाख २४ गतेनिसें कार्यान्वयनय् वइगु जूगुलिं फुक्कं प्रदेश सरकार ज्याकुथी नेपालभाषा व तामाङ भासं नं साइनबोर्ड तयेगु क्वछ्यूगु दु ।
व हे मुँज्यां भाषा विधेयक कार्यान्वयनय् वइगु वकुन्हु ३ नम्वर प्रदेशन्यंकं सार्वजनिक बिदा बिइगु नं क्वछ्यूगु दु । वकुन्हु हे येँय् छगू तःजिगु ज्याझ्वलय् प्रधानमन्त्री पुष्पकमल दाहालं औपचारिक सुभारम्भया घोषणा याइगु ज्याझ्वः तयातःगु दु ।
प्रादेशिक भाषा विधेयक पारित जूगु १८० न्हु क्यंकुन्हुंनिसें सरकारी ज्याकुथी विधेयक लागू जूगु आभाष जुइक बैधानिक ज्या छु यायेगु थ्व बैठकं क्वछ्यूगु दु व धाःसा सिइ मदुनि ।