येँ, ११४४ कछलागा ४ । ३ नम्वर प्रदेशं पारित याःगु प्रादेशिक भाषा बिधेयक थौं प्रदेश राजपत्रय् पिदंगु दु । वंगु ११४३ ञलागा १० कुन्हु प्रदेश सभां सर्वसम्मत पारित यानाःलि प्रदेश प्रमुखं स्वीकृत जुयाः ऐन लागू यायेगु झ्वलय् थ्व विधेयक राजपत्रय् पिथंगु खः ।
थ्व विधेयक हयेत वंगु आम निर्वाचनं निर्वाचित जूगु संसदं दयेकूगु मन्त्रीमण्डल व मुख्यमन्त्री शालिकराम जम्मरकटेलया नेतृत्वय् थ्व ज्या जूगु खः । संसदय् विधेयक पुकार महर्जनं प्रस्ताव तयादीगु ख: । आन्तरिक मामिला तथा कानून मन्त्रालयया जिम्मेवारी वहन यानाच्वंम्ह मन्त्री गंगा नारायण श्रेष्ठया थ्व विधेयक निर्माण निसें हे तःधंगु भूमीका दुगु खः ।
आ: कानूनत: खुलाया दुने थ्व विधेयक छ्यलाबुलाय् हयाः ३ नम्वर प्रदेशय् नेपालभाषा व तामांग भाषायात सरकारी कामकाजी भाषाकथं छ्यली ।
good news