नेसं ११४४ वछलागा द्वितीया, येँ । बज्राचार्य अध्ययन मण्डलया ४५ क्वःगु बुन्हिंया लसताय् बद्रीरत्न अनुसन्धान विद्वत्तवृतिया घोषणा जुल । बज्राचार्य समाजया थीथी पक्षया अनुसन्धान यायेत नेपालभाषाय् स्नातकोत्तर यानाच्वंपिं विद्यार्थीतय् लागिं थ्व वृति घोषणा जूगु खः । थ्व घोषणा बद्रीरत्न बज्राचार्यं नीस्वंगु उगु मण्डलया नायः सानुराजा बज्राचार्यं याःगु खः ।
ज्याझ्वलय् नेपालभाषा केन्द्रीय विभाग प्रमुख डा. राजनलाल जोशी, डा. नरेश मान बज्राचार्य, मल्ल के सुन्दर, डा. हृदय मान बज्रााचार्यं बज्राचार्य समाजया थीथी पक्षयात कयाः न्वचू बिउगु खः ।
उगु मण्डलया नायःया सभापतित्वय् जूगु उगु ज्याझ्वः शोभा महर्जन बज्राचार्यं न्ह्याकादीगु खः ।