येँ । सम्पदा अभियन्ता मनिराज डंगोलया “बुद्धया कर्मवाद तथा चौथो “स” सफू नेकपा एमाले अध्यक्ष तथा पूर्व प्रधानमन्त्री केपि शर्मा ओलीं शनिवाः पितब्वःगु दु । नेपाल कम्यूनिष्ट पार्टी एमालें नेपाल सम्वत् ११४४ न्हुदँया लसताय् येँया बसन्तपुरय् याःगु भिंतुना कालबिल व तुच्चा ज्याझ्वलय् थ्व सफू पितब्वःगु खः ।
ज्याझ्वलय् नेकपा एमालेया वरिष्ठ उपाध्यक्ष ईश्वर पोखरेल,नेकपा एमालेया महासचिव शंकर पोखरेल, नेकपा एमालेका नेतापिं अष्टलक्ष्मी शाक्य, सुरेन्द्र पाण्डे, विष्णु पौडेल, युवराज ज्ञवाली, प्रदिप ज्ञवाली, पृथ्वी सुब्बा गुरुङ ,विष्णु रिमाल, भिम रावल, रामेश्वर फुँयाल ,कृष्ण राई, नेकपा एमाले येँ जिल्ला अध्यक्ष दिपक निरौला नं ब्वति काःगु खः ।
सफुतिइ श्रमलिसे स्वानाच्वंगु सम्पदायुक्त समुदायया सम्मान व प्रोत्साहन ‘चौथो स‘ वारे राजनैतिक पार्टिया मुँज्या च्वंपतिकं अनिवार्य सहलह यायेमाःगु, ‘चौथो ‘स ‘कार्यान्वयन व अनुगमन केन्द्रीय आयोग गठन यायेमाःगु व मातहतया फुक्क कमिटीयात अन्तरपार्टी निर्देशन बिइमाःगु, संगठनात्मक कार्यन्वयनय् बह बिइत दिशानिर्देश यायेमाःगु धयातःगु दु । सफुतिइ बुद्धया कर्मवाद दर्शनंनिसें परंपरागत राजनिती, उद्योग व्यवसायीपिनिगु चिउताः न्ह्यब्वयातःगु दु ।
सुभाय