नेसं ११४५ यंलागा १४, येँ । ह्याउँनिभाःया ब्वनामिया फल्चा सिरिज–१य् पूर्णिमा शाक्यया हाइकु वाचन व उकियात कयाः आलोचनात्मक समिक्षा जुल । समिक्षा भाषा वैज्ञानिक दृष्टिकोणं प्रा. डा. ओमकारेश्वर श्रेष्ठं, सांस्कृतिक ल्याखं प्रा. डा. राजन लाल जोशीं, दार्शनीक विवेचना अनुप सिं सुवालं, सैद्धान्तिक ल्याखं राजेन्द्र कुमार महर्जनं व अन्तर देशीय विवेचना विमल ताम्रकारं यानादीगु खः ।
ज्याझ्वलय् लसकुस न्वचू योगेन्द्र राजकर्णिकारं, सुभाय् न्वचू ह्याउनिभाःया संरक्षक धनबहादुर तिमिलां बियादीगु खः । सुरेश प्रधान, ह्याउँनिभाःया संरक्षक मन राजा रञ्जितं नं ज्याझ्वलय् नवानादीगु खः ।
ज्याझ्वलय् न्ह्यब्वःगु न्वचूयात सफूकथं पिथनीगु धयातःगु दु । नेपालभाषा साहित्य ख्यलय् थ्व ज्याझ्वः न्हूगु प्रयोग जूगु ब्वति काःपिंसं वाःचायेकूगु दु । ज्याझ्वलय् श्रष्टा, समालोचक व पाठक यानाः पीम्हेस्यां ब्वति काःगु खः ।
ज्याझ्वः ह्याउँनिभाः अनुसन्धान केन्द्रया ग्वसालय् जूगु खः
