बलम्बु । वंगु काैलागा ९ कुन्हु थन मदुम्ह भिम बहादुर नकःमिया झ्वाता उलेज्या जुल । मदुम्ह नकःमिया स्वदँया पुण्यतिथि लाकाः वय्कःया झ्वाता अनावरण चन्द्रागिरि नगरपालिकाया मेयर भाजु घनश्याम गिरीं यानादीगु खः ।
मदुम्ह बहुप्रतिभाशाली नकःमि भास्तिपुर ज्ञानमाला भजन खल: बलम्बुया संस्थापक, वरिष्ठ संगितकार, रचनाकार व नाटककारकथं नां जाः । वय्कःया निम्हं सन्तान वरिष्ठ संगीतकार मनराजा नकःमि व मञ्जु नकःमि नं संगीत ख्यलय् सकृय जुयादी ।
ज्याझ्वःया लिपांगु ब्वय् जूगु भजन हालेज्याय् वरिष्ठ गायकपिं रत्न वेहोशी, धन बहादुर गोपाली, जुजुभाई रञ्जित व मदुम्ह नकःमिया शीष्यपिं व थीथी ज्ञानमाला भजन खलकं वय्कःया हे रचना संगीत हालाः वय्कःयात साङ्गीतिक श्रद्धाञ्जली ब्यूगु खः ।
ज्याझ्वः भास्तिपुर ज्ञानमाला भजन खलकं ग्वसाः ग्वःगु खः