नेसं ११४५ कौलाथ्व १, येँ । रमेश महर्जनं च्वयादीगु निपु म्येया म्यूजिक भिडियो पित्ब्वःगु दु । “छंगु मन दुने सुचुकातःम्ह जि” बोलया थ्व म्ये छगू ज्याझ्वःया दथुइ थीथी व्यक्तित्वं मंकाःकथं पितब्वयादीगु खः । थ्व निपुतिं म्ये यूट्यूब प्रिमियर शो नं वहे इलय् याःगु खः ।
थ्व म्येया पितब्वज्या येँ महानगरपालिका १७ वडाया नायः नविन मानन्धर व १८ वडाया नायः न्हुच्छेकाजी महर्जन, नेवाः संकिपा कलाकार त्यपु मणिराज लवट – हिसिला महर्जनं मंकाःकथं यानादीगु खः ।
ज्याझ्वलय् लसकुस रमेश महर्जंनं यानादीगु खः । पाहाँ नविन मानन्धर व न्हूच्छकाजी महर्जनं थःथःगु नुगःखँ तयादीगु खः । म्येया समीक्षा अनुप सिंह सुवालं यानादीगु खः । सुभाय् रविन्द्र महर्जनं बियादीगु खः। ज्याझ्वः मनरा प्रजापतिं न्ह्याकादीगु खः।
थ्व म्येय् संगीतकार शिव शाहीं लसय् हनादीगु खः । म्येय् सः सरिता शाही व शेरबहादुर डंगोलं ब्यागलं ब्यागलं बियादीगु दु । म्येया म्युजिक भिडियोया लागिं अभिनय रेशमा महर्जन, रविन्द्र महर्जन,सानिया थापा,आयुष अर्याल व आपालं कलाकारपिन्सं अभिनय यानातःगु दु । छाँयांकन अनिश बुढाथोकी व जेन सिंहं, सम्पादन मनोज श्रेष्ठं यानादीगु दु । भिडियोया लागिं निर्देशन रमेश महर्जन व मनोज श्रेष्ठं यानादीगु दु ।
