यल । यल महानगरपालिका २२ वडा पाखें नेपालभाषा अध्ययन याइपिं निम्ह ब्वनामिपिंन्त पूर्ण छात्रवृत्ति बिइगु घोषणा याःगु दु । कार्तिक २० गते सोमवाः रत्न राज्यलक्ष्मी क्याम्पसय् स्नातकोत्तर निगूगु सेमेस्तरय् अध्ययनरत ब्वनामिपिनिगु सांस्कृतिक भ्रमणय् वंपिनि दथुइ वडाया अध्यक्ष सागर तुलाधरं थथे घोषणा यानादीगु खः । वहे इलय् वय्कलं थःगु वडा दुने दुगु मुर्त अमुर्त सम्पदा संस्कृतिया अध्ययन अनुसन्धान याइपिन्त निगू लख तका तक अन्रदान बिइगु नं घोषणा यानादिल ।
रत्न राज्यलक्ष्मी क्याम्पसया नेपालभाषा विषया कयाः ब्वानाच्वंपिनि वनाय् जूगु उगु अध्ययन भ्रमणय् ख्वनाया व्यक्तित्वपिंसं व नेपालभाषाया शिक्षकपिंसं सहजिकरण याःगु खः । भ्रमण टोलीं स्थानीय लोकवार्ता, लोकभाका, प्याखंया जानकारी मुंगु खः ।