नेसं ११४५ कौलागा १२, येँ । श्रद्धाकिर्ति विहारं नेवाः भासं म्युजिक भिडियो दयेकूगु पुचःया दुजःपिन्त हन । विहारं न्हूदँ नेसं ११४६ क्यनेत्यंगु लसताय् भिंतुना कालविल ज्याझ्वः ग्वयाः थुकथं हनेज्या याःगु खः ।
थुगु विहारय् जूगु छग ज्याझ्वलय् क्वःनेया थौं म्येया म्युजिक भिडियोया निर्देशक अनुप सिं सुवालयात हंगु खः । लिसें थुगु म्येया हालामिपिं सतिश महर्जन व रत्नशोभा महर्जन, संगीतकार वालकृष्ण बंशी, म्ये च्वमि श्रीमिला सुवालयात नं हंगु खः ।
ज्याझ्वलय् प्रेमहिरा तुलाधर, पवित्र बज्राचार्य, श्रीमिला सुवाल व ऋद्धि तुलाधरं नुगःखँ नवानादीगु खः । ज्याझ्वः अरूणसिद्धि तुलाधरं न्ह्याकादीगु खः । ज्याझ्वःया सभापतित्व व विसर्जन श्रद्धावती गुरूमामं यानादीगु खः ।
