नेसं ११४५ कउलाथ्व ११, येँ । म्ये च्वमि श्रीमिला सुवालं थःगु न्हूगु म्ये सार्वजनिक यानादीगु दु । ‘जन्ती बाजा’ बोलया थुगु म्ये (तिमिला रञ्जितं) यानादीगु खः ।
थुगु म्युजिक भिडियोय् भिंतुना जोशी, सुरज नापित, श्रीमिला सुवाल, सुर्य सुवालं अभिनय यानादीगु दु । सोहन मानन्धरं छाँयांकन व सम्पादन यानादीगु दु । म्येया म्युजिक भिडियोया निर्देशन पवन जोशीं यानादीगु खः ।
म्ये च्वमि श्रीमिला सुवालया थ्व म्ये न्यागूगु न्ह्यब्वया खः । सञ्जय सुब्बां लसय् चिनाः बाजं ग्वसाःग्वयादीगु थ्व म्ये संगीता थापा शाक्यं हालादीगु खः ।
