नेसं ११४४ वछलागा ७, हेटौंडा । ३ नं प्रदेश सांसद समिता खड्गी श्रेष्ठं वागमती विश्वविद्यालय दुने नेवाः अध्ययन विभाग व तामांग अध्ययन विभाग नीस्वनेत माग यानादीगु दु । वय्कलं थौं प्रदेश सभा बैठकय् अार्थिक वर्ष २०८०/८१ निति तथा कार्यक्रमय् सहलह जूबलय् थुकथं सः तःगु खः । मय्जु श्रेष्ठं थौं नं थःगु सः नेवाः भासं नं तयादीगु खः । वय्कःया थौंया सःयात नं देवनागरी नेपालीं लिपिवद्ध यानाः अभिलेखिकरणा याकुगु दु ।
मय्जु श्रेष्ठं वागमती विश्वविद्यालयय् प्राविधिक व व्यावसायिक विषय अध्यापन यायेत्यंगु जूगुलिं नेवाः व तामांगया प्रविधि व व्यवसायया अध्यापन नं सम्वन्धित भासं हे जुइमाःगु व उकिया लागिं नेवाः अध्ययन विभाग व तामांग अध्ययन विभाग माःगु खः धकाः बःबियाः माग यानादीगु दु ।
(मय्जु श्रेष्ठं ३ नं प्रदेश सभाय् तयादीगु सःया नेपाली भासं अभिलेखिकरणया किपा)