नेसं. ११४४ चिल्लागा १२, येँ । ३ नं. प्रदेशया सांसद समिता खड्गी श्रेष्ठं प्रदेशया मुख्यमन्त्री शालिकराम जम्मरकट्टेलयात मन्त्री परिषद् या निर्णय पुस्तिकाय् स्वंगू भाय् छेलेत ज्ञापनपत्र ब्यूगु दु । ३ नं. प्रदेशया मिति २०८०/०७/२३या प्रदेश संसद सभां नेपालभाषा व तामाङभाषायात सरकारी कामकाजी भाषा क्वच्छिउकथं २०८१।०१।२४ गते १८०न्हू क्यनीगु जूगुलिं वयां लिपा न्हापांगु क्याविनेट बैठकया माइन्यूट नेपालीभाषाया अतिरिक्त नेपालभाषा व तामाङभाषां अभिलेख तयेत म्हिगः ज्ञापन पत्र बिउगु खः । उगु हे पतिइ बैठकं प्रादेशीक भाषा ऐन २०८०या दफा १३कथं विज्ञ समूह गठन यानादीत नं इनाप यानातःगु दु ।
मुख्यमन्त्री जम्मरकट्टेलयात नापलानाः हे ज्ञापन पत्र बिइत स्वःगुली निम्हेस्मायां अति कार्यब्यस्तताया हुनिखं इमेलं पत्राचार जूगु खँ नं प्रदेश सांसद श्रेष्ठया सचिवालयं थौं जारी याःगु प्रेस नोटय् न्ह्यथनातःगु दु ।
