नेसं ११४५ कौलाथ्व ६, येँ । ह्याउँनिभाः अनुसन्धान केन्द्रया न्हापांगु साधारण सभां अनुप सिं सुवालया अध्यक्षताय् गुम्हेसिया कार्यसमिति दयेकल । सभां केन्द्रया तदर्थ समितियात कार्यसमितिइ ह्यूगु खः ।
सभां लेखा परिक्षण, तदर्थ कार्यसमितिया थीथी निर्णययात नं अनुमोदन याःगु दु । केन्द्रं याकनं हे प्राज्ञ पत्रिका पिथनेगु व डिजिटल सफू पसः ब्यवस्थापन यायेगु घोषणा याःगु दु ।
सभाय् ह्याउँनिभाःया संरक्षक मनरत्न शाक्य व नायः राकेस मास्कें भिंतुना न्वचू बियादीगु खः ।
केन्द्रया न्हूगु ज्यासना पुचलय् न्वकू, छ्रयाञ्जे व दांभरी छसिकथं मनरा प्रजापति, योगेन्द्र राजकर्णिकार व अच्यूतरत्न बज्राचार्य, मूदुजःपिं पूर्णिमा डंगोल, श्रृष्टि शाक्य, दिलिप शाही, राजन सिं डंगोल व रितेश मल्ल जुयादीगु दु ।
