नेसं ११४४ वछलाथ्व ८, हेटौंडा । ३ नं प्रदेशय् प्रादेशीक भाषा ऐन लागू जुइधुंकाः च्वंगु न्हापांगु प्रदेश सभाया बैठकय् सांसद समिता खड्गी श्रेष्ठं नेवाः भासं नवानाः ऐनया कार्यान्वयण पक्षयात कयाः च्यूताः, सुझाव व चेतावनी तकं बियादीगु दु ।
वय्कलं भाषा ऐन लागू जुइधुंकाः कार्यान्वयण यायेगु झ्वलय् संसदय् अनुवादया व्यवस्था यानामतःगु खँय् च्यूताः प्वंकादिल । वय्कलं ऐन कार्यान्वयण यायेत मदयेकं मगाःगु विज्ञ समूह मदयेकुनीगु खँय् न्ह्यसः थनादिल । ऐनय् तयातःगु प्रावधान कथं न्यादँ दुने पुनः अवलोकन यानाः ऐनयात निस्तेज यायेत स्वःगु खःसा उकिया प्रतिरोध जुइगु नं वय्कलं चेतावनि बियादिल ।
वय्कलं प्रदेश संसदय् नवानादीगु न्वचू थन स्वयादीफु ।