नेसं ११४४ वछलाथ्व ८, हेटौंडा । थौं च्वंगु ३ नम्वर प्रदेश सभाय् दकलें न्हापां नेवाः व तामांग भासं सम्वोधन जुल । प्रदेश सभा सदस्यपिं समिता खड्गी श्रेष्ठ व प्रेम भक्त महर्जनं नेवाः भासं व ज्ञान बहादुर तामांगं तामांग भासं सभायात सम्वोधन याःगु खः ।
३ नम्वर प्रदेशय् प्रादेशीक भाषा ऐन लागू जुइधुंकाः दकले न्हापां च्वंगु प्रदेश सभाया बैठकय् विशेष ई कयाः थुकथं नवाःगु खः । सभाय् अनुवादया व्यवस्था बैज्ञानिक पहलं मजूनिगु खँय् सांसदपिंसं च्यूताः प्वंकूगु दु ।
