येँ । स्नातकोत्तर तगिमय् नेपालभाषा विषय अध्ययन यायेत त्रिभुवन विश्वविद्यालयं भर्ना चयेकूगु दु । नां मंसीर २५ गते दुतिनेत धयातःगु दु । दुतिना परिक्षा पौष ३ गते जुइगु न्ह्यथनातःगु दु ।
स्नातकोत्तरय् नेपालभाषा अध्यापन यलया नेपालभाषा केन्द्रीय विभागय् सुथय् व येँया रत्न राज्यलक्ष्मी कलेजय् बहनी जुयाच्वंगु दु ।
स्वनिगःया थीथी स्थानीय सरकारं नेपालभाषायात थाय् बियाः ज्या यानाच्वंगु व ३ नम्वर प्रदेशं प्रादेशिक भाषा विधेयक पारित यानाः व प्रादेशिक लोकसेवा अायोग नं गठन यायेधुंकूगु अवस्थाय् स्नातक व स्नातकोत्तर तगिमय् नेपालभाषा अध्ययन याइपिनि ल्याः झं उप्वयावःगु धयातःगु दु ।