कर्फ्यू चीकल, चुनाव फागुन २१ य्

नेसं ११४५ यंलागा ६, येँ । देसय् वंगु सोमवार व मंगलवाः कुन्हु जूगु हिंसात्मक गतिविधि नियन्त्रण यायेत धकाः तयातःगु निषेधाज्ञा व कर्फ्यू थौं सुथंनिसें चीकूगु दु । मन्त्रिपरिषद् या न्हापांगु बैठकं संसद विघटन व चुनावया मिति घोषणाया सिफारिश यायेधुंकाः थुकथंया कर्फ्यू चीकेगु वातावरण ब्वलंगु धयातःगु दु । म्हिगः राष्ट्रपति रामचन्द्र पौड्यालं शुशीला कार्कीयात न्हूम्ह प्रधानमन्त्री नियुक्त यायेधुंकाः प्रधानमन्त्रीं थुकथंया सिफारिश याःगु खः । न्हूगु प्रतिनिधि सभाया निर्वाचन मिति अाः वइगु फागुण २१ जुइगु घोषणा यानातःगु दु ।