नेसं ११४४ यंलाथ्व १, यल । किरात याक्थुम चुम्लुङया ३६ क्वःगु स्थापना दिवश वंगु भदौ १३ देखि १७ गते तक आदिवासी प्रतिरोध, भविष्य, मुक्कुम्लुङ विषयक कला ब्वज्या यानाः चुम्लुङ हिमय् क्वचाल । स्थापना दिवस “नो कोशी, नो केबलकार” या नारा बियाः न्ह्याकूगु खः । ज्याझ्वलय् चित्रकला, भिडियो/अडियो, डिजिटल, प्रतिस्थापन कला ब्वःगु खः ।
न्हापांगु न्हिं कुन्हु नेपाल प्रज्ञा प्रतिस्ठानया कुलपती भुपाल राईं ज्याझ्वःया उलेज्या यानादीगु खः । वकुन्हु कियाचु साम्केलो केवाफुङ्वा चुम्लुङ गीतकार पुरस्कारं प्रेम पन्धाक, कियाचु साम्केलो केवाफुङ्वा चुम्लुङ सङ्गीत पुरस्कारं यासेली योङहाङ व कियाचु साम्केलो केवाफुङ्वा गायन पुरस्कारं भगत सुब्बा पुरस्कृत जूगु खः । ज्याझ्वलय् नो कोशी, मुक्कुम्लुङय् नो केबुलकारया बिषयय् दयेकूगु चित्रकला, भिडियो कला, प्रतिस्थापन कला ब्वःगु खः ।
निन्हुन्हुकुन्हु नो कोशी, नो केबुलकारया अभियन्तातय्सं प्रकृती व संस्कृती बिरोधितय् बिरोधय् याक्थुम्बा लिम्बुत सहिद लाजेहाङ जुइत तयार जूगु उद्घोष याःगु खः ।
स्वन्हुन्हुकुन्हु मुक्कुम्लुङय् नो केबुलकारया उद्घोष यानाः कलाय् आदिवासी प्रतिरोध बिषयक सहलहखय् किरण सिगु, कैलाश राई, मेख लिम्बु, सारा टुनिच कोईच, सुबाश तामाङ्गपिंसं आन्दोलन व कलाया बारे नवाःगु खः ।
समापन ज्याझ्वलय् बैरागी काईलां कलाकारपिन्त मतिनाया चिं लःल्हाःगु खः । ब्वज्याय् कलाकारपिं आस्था चेम्जोङ, आयुशा आङथुपो, अम्शाद सुनुवार, भद्रगोल किराती, बिजय लावती, बिनोद लिम्बु, बिशाल लिम्बु, दिक्षा चाम्लिझ राइ, कला लिम्बु, किरण सिगु, लवकान्त चौधरी, मनरा प्रजापति, मेख लिम्बु, पुजन लिम्बु, सम्रातहांग पालुङवा, संजोष राइ, सपना नेपाली, सारा तुनीच कोंइच, सोनाम चामलिङ्ग राइ, सुवास तामाङ्ग, सुवाश थेवे लिम्बुं ब्वति कयादीगु खः ।
समापन ज्याझ्वलय् बैरागी काईंलां कलाकारपिन्त मतिनाया चिं लःल्हाःगु खः । न्यान्हुतक न्ह्याःगु ब्वज्याय् देश बिदेशं द्वलंद्वः दर्शकं अवलोकन याःगु धयातःगु दु । ज्याझ्वः किरात याक्थुंगु चुम्लुंगं ग्वसाः ग्वःगु खः ।
