येँ । जगत सुन्दर ब्वनेकुथिया ग्वसालय् थ्वहे वइगु नेपाल संवत् ११४४ कछलागा चतुर्थी कुन्हु नेवाः तजिलजि ब्वज्या जुइगु जूगु दु । १५ वडा अध्यक्ष ईश्वरमान डंगोल मू पाहां कथं झाइगु ज्याझ्वलय् न्हू पुस्तायात नेवाः तजिलजि, संस्कार, संस्कृति, तिसा वसः सम्बन्धी हलंज्वलं ब्वयाः न्हूपुस्तायात थुकिया महत्व थुइकेगु व संरक्षण संवर्धन यायेगु आज्जु तयातःगु दु । ज्याझ्वः सुथसिया १०ः३० निसे न्हिनसिया ४ बजे तक जुइ ।
