यल, नेसं. ११४४ गुंलागा द्वादशी शुक्रवाः । नेपालभाषा केन्द्रीय विभाग, यलध्वाखाय् जूगु ज्याझ्वलय् थीथी लाकाैल सिरपाः लःल्हात । ज्याझ्वःया मूपाहाँ ३ नं. प्रदेश सरकारया समाजिक विकास मन्त्री मा. हरिप्रभा खड्गी श्रेष्ठं सिरपा लःल्हाःगु खः । बैकुण्ठ लाकौल सिरपा प्रा. प्रेमशान्ति तुलाधरयात, चैन लाकौल सिरपाः कृष्णप्यारी श्रेष्ठ, पद्मा खयरी गोलि व रजनि श्रेष्ठयात लःल्हाःगु खः ।
ज्याझ्वः नेपालभाषा केन्द्रीय विभागया ग्वसालय् जूगु खः । ज्याझ्वः विभागया प्रमुख सप्रा. डा. राजनलाल जोशीया सभापतित्वय् जूगु खः । ज्याझ्वलय् मूपाहाँ, प्रा.डा. सुन्दरकृष्ण जोशी, पाटन क्याम्पस प्रमुख लक्ष्मण सिंह कुँवर, प्रा. प्रेमशान्ति तुलाधर, सिरपाःया दाता श्रीकण्ठलाल लाकौल, उप-प्राध्यापक वज्रमुनि वज्राचार्य, उप-प्राध्यापक जीवनकुमार महर्जन, पद्मा खयरगोलिं नुगः खँ तःगु खः ।
