नेसं ११४५ कछलाथ्व ६, येँ । नेपालभाषाया म्यूजिक भिडियो मछालेगु बानी यूट्युबपाखें झिगू लख दर्शकं स्वःगु लसताय् छगू लसता ज्याझ्वः न्यायेकल । ज्याझ्वलय् म्यूजिक भिडियो निर्माणय् आवद्धपिन्त सम्मान नं याःगु खः ।
ज्याझ्वःया मूपाहाँ बागमती प्रदेशया सामाजिक विकासमन्त्री हरिप्रभा खड्गी श्रेष्ठं श्रष्टापिन्त हनादीगु खः । ज्याझ्वः म्यूजिक भिडियोया निर्माता मोति–हर्ष फाउण्डेशनया नायः सुनिलकुमार शाक्यया सभानायःसुइ जूगु खः । ज्याझ्वः केविएस लुभुया ग्वसालय् जूगु खः ।
म्ये प्रा. सुवर्ण शाक्यं च्वयादीगु खः । म्येय् लय् न्ह्यू बज्राचार्यं चिनादीगु खः । म्ये नीशा देसारं हालादीगु खः । म्युजिक भिडियोया निर्देशन सुजन बज्राचार्यं यानादीगु खः । म्युजिक भिडियो म्हा म्हा इन्टरटेन्टमेन्टया अफिसियल यूट्युब च्यानलय् पिदंगु खः ।
