नेसं ११४४ बछलागा १०, किपू । म्हिगः नेपाल समाजवादी आदिवासी जनजाती महासंघं आदिवासीतय्त नेतृत्व सवलिकरण प्रशिक्षण बिल । नेपाल समाजवादी पार्टी आवद्धपिं आदिवासी जनाजातीपिन्त लक्षित यानाः थ्व प्रशिक्षण ब्यूगु खः ।
ज्याझ्वलय् डा. बाबुराम भट्टराइ नं राजनैतिक प्रशिक्षण ब्यूगु खः । वय्कलं संघीयताया रक्षा व पहिचान व सामर्थ्यय् आधारित पहिचान सहितया प्रदेश निर्माण यायेत माःगु सैद्धान्तिक व रणनीतिक प्रशिक्षण ब्यूगु धयातःगु दु ।
ज्याझ्वलय् पत्रकार कपिल काफ्लें सूचना प्रविधिया बारे, वकिल कृष्ण शर्मां कानून सम्वन्धी, जि. एस गुरुंगं आदिवासी जनजाती अभियान व सोनाम सिं स्यांगतांगं संगठन निर्माण प्रकृयाया बारे प्रशिक्षण ब्यूगु धयातःगु दु ।
ज्याझ्वः नेपाल समाजवादी आदिवासी जनजाती महासंघया अध्यक्ष अनुप सिं सुवालं सभापतित्व यासें सहजिकरण याःगु खः । प्रशिक्षणय् ६०म्हेस्यां ब्वति काःगु खः ।
