नेसं ११४५ थिंलागा ३, किपू । नेपाल भाषाया सिरियल धारावाहिक “लिधंसा – द सपोर्ट” या टिजर पितब्यूगु दु । सिरियलया निर्माता मगन इन्टरटेन्मेन्टं थ्व टिजर पितब्यूगु खः ।
सिरियल रजिन महर्जनया लेखन व निर्देशनय् निर्माण जुया च्वंगु दु । सिरियल पारिवारिक सामाजिक बाखनय् दयेकातःगु धयातःगु दु । सिरियलय् लक्ष्मीकुमार महर्जन, सरिता शिल्पकार, सुरेन्द्र महर्जन, राजेन्द्र महर्जन, सुधा महर्जन, रमेश माली, देबेन्द्र महर्जन लगायत कलाकारपिनिगु भूमिका दु । सिरियलया म्ये रत्न शोभा महर्जन व सतिश महर्जनं हालातःगु दु ।
निर्देशक महर्जनं जानकारी ब्यूकथं उगु सिरियल मगन इन्टरटेन्मेन्टया यूट्युब च्यानलपाखें प्रशारण जुइ ।