नेसं ११४६ कछलागा ३, येँ। दिल बहादुर मानन्धर मदुगु झिंस्वन्हुकुन्हु वय्कःयात लुमंकल । “हाम्रो समाज” संस्थाया ग्वसालय् छगू श्रद्वान्जली सभा यासें वय्कःयात लुमंकूगु खः । वय्कः नेसं. ११४६ कछलाथ्व पंचमी कुन्हु सुथय् ८५ दँया बैंसय् वासः यायेगु झ्वलय् मनमोहन अस्पतालय् मदुगु खः ।
मदुम्ह मानन्धर पञ्चायत कालय् जनपक्षीय वडा सदस्य जुयादीधुंकूम्ह खः । वय्कः भाषा, साहित्य व राजनीति सेवाय् समर्पित व्यक्तित्व खः । वय्कःया स्वम्ह काय् व छम्ह म्याय् दु ।
