नेसं ११४६ सिलाचःह्रे, येँ । न्हू पुचलं न्हूदँ ११४६ क्यंगु लसताय् ग्वसाः ग्वःगु निक्वःगु मचा हुला प्याखं वंगु शनिवाःकुन्हु कासा क्वचाल । थुगु कासाय् ११ दँनिसें १४ दँतकया हुलामिपिंसं याकः व पुचः हुलाप्याखं धेंधेंबल्लाः कासाय् ब्वति काःगु खः ।
कासाया मचा हुला प्याखं ब्वय् अादर्श विद्या मन्दिरया वञ्जला महर्जन न्हाप, द रोलिंग स्टोन्स स्कूलया मनिषा गौतम ल्यू व शिवपुरी सेकन्डरी स्कूलया युनिका देउला लियांल्यू लाःगु खः । मचा हुला प्याखनय् न्हाप जलजला स्कूल, ल्यू परोपकार अादर्श मा. वि. व लियांल्यू जुविल्याण्ड मा.वि जुल ।
न्हू पुचःया नायः मनरत्न शाक्यया सभापतित्वय् जूगु समापन समारोहस कासाय् त्याःपिन्त सिरपाः इयुंगु खः । ट्रफि, दसिपौ व दां सिरपा नेसं ११४६ न्हूदँ समारोह समितिया नायः प्रेमहिरा तुलाधरया ल्हातिं लःल्हाःगु खः । कासा येँ महानगरपालिकाया ग्वाहालिं जूगु खः ।
