येॅ, थिंलाथ्व ८
श्रद्धाकिर्ति विहारया ग्वसालय् लय् ४ गते जुयावया च्वंगु वुद्धपुजा व संघ दान भिक्षु सिद्धार्थया प्रमुख आतिथ्यय् थौं क्वचाल।
येॅ व स्वनिगः पिनेया विभिन्न विहारं विज्यानादीपिं भन्सितेपिं सिद्धार्थ, धर्मा नन्द, धर्म पाल, चन्द्रज्योतिपिं पाखें परित्राण याना न्ह्याकादीगु थुगु ज्याझ्वःया व्यवस्थापन उगु विहारया संघ नायक गुरूमां श्रद्धाचारीजु पाखें जूगु खः।
उपासक उपासिकापिनि पाखें अस्तपरिकार दान याना न्ह्याकूगु उगु ज्याझ्वः ३२ क्वःगु संघदान खः। जलपान व भोजन दान सहित न्ह्याकूगु उगु ज्याझ्वलय् सिद्धार्थ भन्ते पञ्चशिल विया न्ह्याका विज्यागु उगु ज्याझ्वलय् थःम्ह फु कथं दान बिइगु तर मफयेकः व मेपिनि नकल याना मबिइगु व त्याग जुइकथं जक दान बिइगुया वारे नं ध्वाथुइका विज्यागु खः।
श्रद्धाचारी गुरूमामं वैगु ल्हुति पुन्हि न्ह्यॅया सनिवार निन्हूया श्रामनेर दयेकेगु ज्या जुइगुलि ब्वतिकायेत न इनाप यासें वुद्धपुजा क्वचायेका विज्यागु जुल।