यल, नेसं ११४४ थिंलागा ३० । बहुप्रतिक्षित नेपालभाषा केन्द्रीय विभागया इ लाइब्रेरी थन्हिं निसें छेले जिल । येँ महानगरपालिकाया ५० लख अार्थिक ग्वाहालिं न्ह्याःगु थ्व परियोजना थौं महानगरया उप मेयर मय्जु सुनिता डंगोलं उलेज्या यानादीगु खः ।
विभागया प्रमुख सप्रा. डा. राजनलाल जोशीं बियादीगु जानकारीकथं हलिंन्यंकं न्ह्याथासं नं दुहाँ वयेज्यूगु थ्व लाइब्रेरी ४ द्वलं मल्याक नेपालभाषा व मेगु थीथी भाय्या सफू ब्वनेज्यू ।
थुगु लाइब्रेरि छेलाबुलाय् वःसेंलि नेपालभाषाया थीथी तगिंया विद्यार्थिपिं व शोधकर्ता एवम् पाठकपिंसं सफू चूलाके मफयाः फयेमालाच्वंगु सास्नाया अन्त जूगु तायेकातःगु दु । थ्व लाइब्रेरी https://cdnb.edu.np/library?page=1 लिंकय् वनाः दुहाँवनेज्यू ।
