नेसं ११४५ बछलाथ्व ५, येँ । नेपालभाषा एकेडमिं नेवाः ज्ञान सम्मेलन यायेत्यंगु दु । थुगु खँया जानकारी थुगु एकेडमिया चान्सलर मल्ल के. सुन्दरं थौं बियादीगु खः । चान्सलर मल्लं थुगु एकेडमिं ग्वसाःग्वःगु नेवाः ज्ञान सहलह मुँज्याय् कनादीगु खः । थुगु ज्ञान सम्मेलनय् नेवाः अादिवासी प्रविधि व शिल्प ज्ञान विषयक न्हापांगु राष्ट्रिय गोष्ठीया नं ग्वसाःग्वयातःगु दु । थुगु सम्मेलन अाः वइगु बछलाथ्व १३ कुन्हु जुइ ।
सम्मेलनय् अार्किटेक मय्जु सृजना प्रजापतिं नेवाः सिंज्या व शिल्प, वनस्पति विज्ञ बुद्धि रत्न डंगोलं नेवाः बुंज्या प्रणाली, हिति विशेषज्ञ पद्मसुन्दर जोशीं नेवाः वस्ती व दे योजना व मल्ल के सुन्दरं मू अवधारणा पौ नेवाः सभ्यता व ज्ञान विषयक ज्यापौ न्ह्यब्वयादीत्यंगु दु । गोष्ठीया सहजिकरण प्रा. संगीता सिंह, प्रा. डा. विमप्रसाद श्रेष्ठ व प्रा. अञ्जना सिंहं यानादीत्यंगु दु ।
ज्याझ्वलय् इच्छुक अध्येता, विद्यार्थि, शोधार्थि, शिल्प अभ्यासिपिंसं ब्वति कायेफैगु जानकारी ग्वसाःखलकं ब्यूगु दु ।