नेसं ११४५ बछलाथ्व ५, येँ । भाषासेवकपिं नरेशवीर शाक्य व रत्नवीर शाक्याया अबु धर्मबीर शाक्य वंगु अाइतवार मन्त । वय्कः ९४ वर्षया उमेरय् मदुगु खः । मदुम्ह शाक्य इतुंबहाः सर्वसंघया न्वकू खः । वय्कः नेपाल सुनचाँदी व्यवसायी संघया संस्थापक अध्यक्ष खः । वय्कः उपचार यायां मोडल अस्पतालय् मदुगु खःस ।
मदुम्हेस्या अन्त्येष्टी वंगु बुधवाः लुतिइ जुल । मदुम्हेस्या तःधीम्ह काय् नरेशवीर शाक्य भारत भ्रमणय् दीगुलिं अन्तेष्टि लिबाःगु पारिवारिक श्रोतं धाःगु दु ।
मदुम्ह शाक्यया कर्मवीर शाक्य लिसें यानाः स्वम्ह काय् व न्याम्ह म्ह्याय्पिं दी ।