येँ, नेसं ११४४ प्वहेलागा ६ । सहिद दिवस २०८० या सन्दर्भ लाकाः ‘राष्ट्र निर्माणमा सहिदको बलिदान’ विषयक चित्रकला ब्वज्या नेपाल ललित कला प्रज्ञा-प्रतिष्ठानय् वंगु मंगलवारनिसें जुल । उगु ब्वज्याया उलेज्या उगु प्रतिष्ठानया कुलपति नारदमणि हार्तम्छालीं यानादीगु खः ।
ज्याझ्वलय कुलपति हार्नुम्हालीं कलाकारतय्सं उत्साहित जुयाः ब्वति कयाः उत्कृष्ट कलाकृतिया सिर्जना यानाः सहिदप्रति सम्मान व्यक्त याःगु ज्यायात च्वछासें सकल ब्वति काःपिं कलाकारतय्त सुभाय् बियादिल ।
उपकुलपति लालकाजी लामां सहिदतय्त नगः चकंकाः हनेमाःगु खँय् बः बियादिल । ज्याझ्वलय् समसमायिक चित्रकला विभाग प्रमुख संजय वान्तवा राईं नं नवानादीगु खः ।
थुगु ब्वज्या यायेत वंगु सोमवार छगू कार्शालाया ग्वसाः ग्वयाः कलाकारतय्सं शीर्षककथंया चित्रकलाः दयेकूगु खः । कार्यशाला व ब्वज्याय् नारदगणि हार्तम्छाली, लालकाजी लामा, पाल्साङ्गमो लामा, सौरगंगा दर्शनधारी, दिनेश्वर महतो, सञ्जय वान्तवा राई, अरुणा हिङमाङ, संगी श्रेष्ठ, जुपिटर प्रधान, भीम ब. श्रेष्ठ, रेनुका महर्जन, सुरेम देशार, विवेक मुकारुङ, चन्द्रा श्रेष्ठ, लीलाधर के.सि., राकेशचन्द्र श्रेष्ठ, दीपेन्द्रमान वनेपाली, किशोर नकर्मी, विनोदकुमार गुप्ता, एविना भडेल, एन.वी. गुरुङ्ग, केशवराज खनाल, श्यामसुन्दर यादव, विक्रम प्रजापति, नारायण प्रसाद बोहजु, सदनकुमार सिं, नेम ब. तामाङ्ग, विपना महर्जन, अशुराम खाइजु, राजकुमार राणा, कान्छाकाजी भासिमा, मंगोल पुत्र, राजेन्द्र याकामि, महेश बास्ताकोती, प्रकाश मानन्धर, मनरा प्रजापतिया कलाकृति दुथ्याः । ब्वज्या माघ २२ गते तक जुइ ।
