येँ, काैलागा ९ । स्वंगु विधाया दान्यहिरा सिरपाः थुगुसी स्वम्हेसित लः ल्हाइगु जूगु दु । नेपालभाषा एकेडेमिया दान्यहिरा सिरपाः समितिं थुगु खँ धाःगु खः ।
दान्यहिरा साहित्य सिरपा कवि डा. योगेन्द्र प्रधानांगयात बीगु जूगु दु । दान्यहिरा संगीत सिरपाः गायक जुजुकाजी रन्जित व दान्यहिरा विज्ञान प्रविधि सिरपाः डा. जीवनकुमार श्रेष्ठयात बीगु जूगु दु ।
थ्वहे वइगु शनिवाः यलय् लःल्हाइगु थ्व सिरपाः ५० द्वः तक दांया जुइगु धयातःगु दु ।