ने.सं. ११४५ चौलागाः सप्तमि, आइतबार। ३ नं प्रदेश संसद सचिवालयं भाषा अनुवादक नियुक्त या:गु दु। प्रदेश निजामती ऐन दुनेच्वना: प्रकृया पूवंका नायव सुब्बा सरहया नेपालभाषा व तामाङ भाषाया अनुवादक नियुक्त या:गु ख: । थ्वय्क:पिंसं संसदय् नवा:गुयात थीथी भाषाय् अभिलेखिकरण याइ । गु ज्या प्रादेशिक भाषा ऐन अन्तर्गत दूगु ख: ।
थ्व हे सन्दर्भय् प्रदेश सांसद समिता खड्गी श्रेष्ठं गु ज्यां थ: लय्ता:गु अभिव्यक्ति सामाजिक सञ्जालय् प्वंकादीगु दु । सांसद श्रेष्ठं थ:पिनि अथक प्रयासलिपा ३ नं प्रदेशय् तामाङ भाषा व नेपाल भाषायात कामकाजी भाषाया रूपय् छ्यलेत ता:लात, थुकियात कार्यान्वयन यायेत मुख्यमन्त्री बहादुर सिंह लामा तामाङज्यु व मा. संस्कृति तथा पर्यटन मन्त्री बिमल ठकुरीज्युं क्यनादीगु साहसयात च्वछाया धयादीगु दु ।
