नेसं ११४५ पोहेलागा १०, हेटौंडा । म्हिगः च्वंगु ३ नम्वर प्रदेशया मन्त्रीपरियदया बैठकं प्रदेश सरकारी कामकाजी भाषा ऐन कार्यान्वयनया सन्दर्भय् अध्ययन कार्यदलं तयार याःगु प्रतिवेदन ग्रहण व कार्यान्वयन यायेगु निर्णय याःगु दु । थ्व खँ सरकारया प्रवक्ता व आन्तरिक मामिला तथा कानुनमन्त्री सुरजचन्द्र लामिछानें धयादीगु खः । उगु प्रतिवेदनया लिधंसाय् प्रदेश कामकाजी भाषा ऐन कार्यान्वयनया लागि माःगु तयारी व व्यवस्थापन यायेत संस्कृति तथा पर्यटन मन्त्रालययात निर्देशन बीगु निर्णय याःगु दु।

उगु ऐनया व्यवस्था कार्यान्वयन यानाः प्रदेश सरकारया मन्त्रालय, आयोग बोर्ड व निकायया लेटर हेड, छाप व बोर्डय् नेपालभाषा व तामांङ भाय् समावेश यायेत निर्देशन जूगु सीदुगु दु । बैठकं संस्कृति तथा पर्यटन मन्त्रालयं माःकथं कार्यविधि दयेकाः कर्मचारी व्यवस्थापन व मेगु ज्या न्ह्याकेत निर्देशन बिउगु धयातःगु दु ।

मन्त्रीपरिषदया थ्व निर्णयं प्रदेश भाषा ऐन ज्याय् ख्यलेत लँपु चाःगु तायेकातःगु दु ।

Leave a Reply

Your email address will not be published. Required fields are marked *